კლავატურის სტრუქტურა და მასთან მუშობა

გაკვეთილის თემა: კლავიატურის სტრუქტურა და მასთან მუშაობა
სწავლების საფეხური: 5 კლასი
გაკვეთილის მნიშვნელობა/აქტუალობა: მოსწავლე შეძლებს კლავიატურის ეფექტურად გამოყენებას.
წინასწარი ცოდნა: კომპიუტერის ჩართვა-გამორთვა, აპარატურული ნაწილის შემადგენლობა, კლავიატურაზე თითების განლაგება, კლავიატუაზე არსებული ღილაკების განსაზღვრა, პროგრამებში შესვლა
შეფასების საგანი და პროცედურები: მოსწავლეები შეფასდებიან წინასწარ შემუშვებული რუბრიკის, მათზე მუშაობის დროს დაკვირვებით და თავიანთი ნამუშევრების მიხედვით. ვიყენებ დაკვირვების, განმსაზღვრელი შეფასების ტიპს. შეფასების კომპონენტებია:

• ათი თითით ბეჭვდის პრინციპი
• ღილაკების ჯგუფების განსხვავება
• ღილაკების ჯგუფების მიხედვით განლაგება
• კლავიატურის ღილაკების დანიშნულება
• პრეზენტაცია

სასწავლო მასალა და ტექნიკური რესურსები: 30 კომპიუტერი, თაბახის ფურცლები, მარკერი, დაფა, პროექტორი.
გაკვეთილის მსვლელობა/ საკლასო მენეჯმენტი: საორგანიზაციო საკითხები: 2 წთ.
A ფაზა(გამოწვევა) -12 წთ. მოსწავლეებს ვუსვამ კითხვებს, თუ რა ღილაკებია განლაგებული კლავიატურაზე. მათი დახმარებით ვახდენ კლავიაურის ღილაკების კლასიფიკაციას და ვყოფ სამ ჯგუფად.
B ფაზა (შინაარსის რეალიზება)- 20 წთ. მოსწავლეებს ვყოფ სამ ჯგუფად, თითოეული ჯგუფი წარმოადგენს კლავიატურაზე განლაგებულ ღილაკების სამ ჯგუფს. ყოველი ჯგუფი შეარჩევს "მხატვარს" და პრეზენტატორს . ჯგუფებში მოსწავლეები ხატავენ თავისი ჯგუფის ღილაკების განლაგებას, ხოლო დანარჩენები შეიმუშავებენ მოკლე ესეს ჯგუფის დანიშნულების შესახებ. პრეზენტატორი მოამზადებს პრეზენტაციას.
დავალების დასასრულს მასწავლებელი ახდენს ამ ყველაფრის დემონსტრირებას და აძლევს დავალებას .
C ფაზა (გამთლიანება)-5 წთ ვახდენ დავალების შეჯამებას, ვაკეთებთ დასკვნებს, ვაწყობ დებრიფინგს: რა ვისწავლეთ, რაში გამოგვადგება კლავიატურის ღილაკების განლაგების, მათი დანიშნულებების ცოდნა და ათი თითის პრინციპით ბეჭვდა.
მოსწავლეებს ვაფასებ. 2 წთ